Үч айлыктын алкагында “Шайыр тапкычтар клубу”кароо-сынагы болуп өттү.

Мамлекеттик тилдин үч айлыгынын алкагында №59 орто мектепте “Ч.Айтматовдун чыгармалары кинотасмаларда аталышындагы “Шайыр тапкычтар клубу”кароо-сынагы болуп өттү. Ага 9-класстын  окуучулары катышты.

Кароо-сынактын максаты:

• Кыргыз Республикасынын Президентинин 2013-жылдын 1-июлундагы №155 Кыргыз Республикасында мамлекеттик тилди өнүктүрүү жана тил саясатын өркүндөтүү боюнча чаралар жөнүндө”Жарлыгын ишке ашыруу;
• “Кыргыз Республикасынын мамлекеттик тили жөнүндөгү”конституциялык Мыйзамын ишке ашыруу, мамлекеттик тилдин статусун көтөрүү;
• Ч.Айтматовдун чыгармаларын даңазалоо;
• Ч.Айтматовдун чыгармалары аркылуу келечек муунду руханий, акыл-ой жана көркөм эстетикалык тарбиялоо;
• Улуу жазуучунун чыгармаларына кызыгуусун ойготуу, демилгелүү жана таланттуу окуучулдарды шыктандыруу.

Кароо-сынак төмөнкү критерийлер менен бааланды:

• Жазуучунун чыгармаларын ачып берүү;
• Окуучулардын аткаруу чеберчилиги,артистизм;
• Формасы,дикциясы;
• Сахнада алып жүрүүсү.

9-класстын окуучуларына берилген тапшырмалар :

• Саламдашуу;
• Эмблема жана  топтун атын жактоо;
• Ч.Айтматовдун чыгармаларынын негизинде тартылган кинотмасмаларга үн коштоо;
• Пантомима;
• Күтүлбөгөн суроолор. Жогорку берилген тапшырмаларга бардык 9-класстын окуучулары жогорку деңгээлдеги даярдык менен келишкен. 9-В классынын “Мурас” жана 9-Г класстын “Делбирим тобу “Саламдашуу” жана   эмблеманы жактоодо өзгөчөлөнүшүп, ыр-бий, көркөм окуу менен сынакка көрк кошушту. Ал эми 9-А классынын “Турналар” тобу Ак кеме тасмасына үн коштоп, профессионалдуу актрисалардын так өзүнөн кем калышкан жок. Бул тапшырмада Базаркулдун образын мыкты ачып берген 9-В класстын окуучусун да баса белгилеп кетсек. Ошондой эле Пантомима көрсөтүүдө да 4 топ тең ар кандай реквизит, буюмдар, костюмдардын жана актердук чеберчиликтин жардамы менен мыкты маанай тартуулашты.Кароо-сынактын жыйынтыгында; бардык берилген тапшырмаларды эң жогорку деңгээлде аткарып,өтө жоопкерчилик менен даярданып келген 9-В классынын “Мурас” тобу 1-орунду,актердук өнөрүн эң мыкты көрсөткөн 9-А классынын “Турналар” командасы, ал эми 3-орунду бир аз гана упай айырмачылыгы менен 9-Г класстын “Делбирим” тобу багындырды. Калыстар тобу сынактын катышуучуларына окуудагы ийгиликтерди каалап, майрамдык маанай тартуулагандары үчүн рахмат айтышты. Биздин мектепте таланттуу, аракетчил окуучулар бар экендиги кубандырат.